Վարկային պատմությունը ֆիզիկական կամ իրավաբանական անձի ֆինանսական պարտավորությունների վերաբերյալ տեղեկատվության ամբողջությունն է, որը ցույց է տալիս վերջինիս ֆինանսական պարտավորությունների կամ դրանց կատարման պատմությունը:
Վարկային պատմության մեջ ներառվում են հարցման պահին նախորդող 5 տարիների վերաբերյալ տվյալները, և այն ձևավորվում է`
անձի ստացած ֆինանսավորումներից, այդ թվում՝
- դրանց քանակից և գումարից,
- յուրաքանչյուր ֆինանսավորման գումարից, տեսակից, ժամկետներից, դրա գծով վարկատուի կողմից կիրառվող անվանական տոկոսադրույքից,
- ֆինանսավորման ապահովում հանդիսացող գրավների վերաբերյալ տեղեկատվությունից,
- վարկից բխող մարումների կատարման պարտաճանաչությունից (օրինակ` ժամանակին են վճարվել տոկոսներն ու մայր գումարը, թե՝ ոչ),
- այլ անձանց տրամադրված երաշխավորություններից, դրանց քանակից և գումարից, յուրաքանչյուր երաշխավորությամբ ապահովված վարկի տեսակից, ժամկետներից և գրավների վերաբերյալ տեղեկատվությունից,
- ֆինանսավորումների և երաշխավորությունների գծով ժամկետանց օրերի/գումարների առկայությունից, ինչպես նաև դրանց համար սահմանված տույժ ու տուգանքներից,
- չվճարված կամ ուշացված կոմունալ վճարներից:
Վարկային սքոր գնահատականի էությունը
Վարկային սքոր գնահատականը ցուցանիշ է, որը ձևավորվում է վարկային պատմության հիման վրա և ցույց է տալիս՝ որքանով է տվյալ անձը պարտաճանաչ որպես վարկառու:
Վարկ ունեցած չլինելու պարագայում անձը չի կարող ունենալ նաև սքոր գնահատական:
ՙՙՖարմ Կրեդիտ Արմենիա՚՚ ՈՒՎԿ ԱԿ-ն ներկայումս վարկեր տրամադրելիս սքոր չի կիրառում:
Վարկային հարցման ազդեցությունը սքոր գնահատականի վրա
Կախված վարկային հարցման տեսակից՝ այն կարող է ազդել ԱՔՌԱ վարկային բյուրոյի կողմից կիրառվող սքորի տեսակների՝ ԱՔՌԱ սքոր և ՖԱՅԿՈ սքոր, ինչպես նաև ֆինանսական կազմակերպությունների կողմից կիրառվող սեփական սքոր գնահատականների վրա:
Հարցումների նպատակների և վարկային սքոր գնահատականի վրա դրանց ազդեցության վերաբերյալ մանրամասները ներկայացված են ստորև աղյուսակում.
|
Վարկային հարցման նպատակ
|
Վարկային հարցման ենթանպատակ
|
Ազդեցությունը վարկային սքորի վրա
|
|
Նոր վարկային դիմում
|
|
Նվազեցնում է
|
|
Երաշխավոր անձ
|
Նոր վարկային դիմում
|
Նվազեցնում է
|
|
Փոխկապակցված անձ
|
|
Չի ազդում
|
|
Գործող վարկի մոնիտորինգ
|
|
Չի ազդում
|
|
Երաշխավոր անձ
|
- Գործող վարկ
- Գործող երաշխավորի մոնիտորինգ
|
Չի ազդում
|
|
Այլ բանկային ծառայություններ
|
|
Չի ազդում
|
Վարկային պատմության և սքոր գնահատականի կարևորությունը
Վարկային պատմությունը և սքոր գնահատականը կարևոր են, քանի որ վարկի համար դիմելուց, բանկը կամ վարկային կազմակերպությունը, մինչև վարկ տրամադրելու որոշում կայացնելը, ուսումնասիրում է դիմումատուի վարկային պատմությունն ու գնահատում, թե որքանով է պատասխանատու վերջինս՝ որպես վարկառու:
Ձևավորված "Վատ վարկային պատմությունը" կարող է հանդիսանալ ֆինանսավորման տրամադրման մերժման պատճառ:
Սխալ կամ թերի տվյաների շտկում
Եթե վարկառուի վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով վարկառուն կարող է այդ մասին տեղեկացնել "ԱՔՌԱ Քրեդիտ Ռեփորթինգ" ՓԲԸ-ին, այսուհետ՝ Վարկային բյուրո, կամ ուղղակիորեն դիմել տեղեկատվություն տրամադրող ֆինանսական կազմակերպություններին: Վարկային բյուրոյին տեղեկացումը կարող է իրականացվել համապատասխան գրավոր դիմում ներկայացնելու միջոցով կամ էլեկտրոնային եղանակով՝ առցանց ռեժիմում "Իմ ԱՔՌԱ" անձնական գրասենյակից:
Վարկային բյուրոյի կողմից տրամադրված վարկային զեկույցների վերաբերյալ հաճախորդների բողոքների ընդունման/ստացման, քննարկման և վերջիններիս արձագանքման գործընթացը, գործողությունների հաջորդականությունը սահմանվում է "ԱՔՌԱ Քրեդիտ Ռեփորթինգ" ՓԲԸ-ի "Վեճերի լուծման ընթացակարգ"-ով:
Վարկային պատմության և սքոր գնահատականի բարելավման քայլեր
Վարկային պատմությունը և սքոր գնահատականը բարելավելու համար անհրաժեշտ է նախ շտկել դրանք վատթարացնող հիմնական պատճառները, մասնավորապես` հարկավոր է առաջին իսկ հնարավորության դեպքում արագ մարել գործող ժամկետանց պարտավորությունները, ինչպես նաև`
- թեթևացնել վարկային բեռը` մարելով գործող վարկերը՝ մասամբ կամ ամբողջությամբ,
- մարումները կատարել սահմանված գրաֆիկին համապատասխան` բացառելով ուշացումները և ցուցաբերելով ճշտապահ վարքագիծ,
- նվազեցնել տրված երաշխավորությունները` կրճատելով դրանց քանակը, գումարը, ինչպես նաև առկայության դեպքում ապահովելով այս մասով ժամկետանց պարտավորությունների լրիվ մարումը,
բացառել ընթացիկ վարկերի գծով պարտավորությունների կատարման նույնիսկ մեկօրյա ուշացումները և խուսափել անվստահելի անձանց համար երաշխավոր դառնալուց, խուսափել հաճախակի նոր վարկերի ստացման համար դիմելուց:
Համաձայնություն
Սույնով տալիս եմ իմ համաձայնությունն առ այն, որ.
- «Ֆարմ Կրեդիտ Արմենիա» ՈւՎԿ ԱԿ-ն (այսուհետ՝ ՎԿ) հարցումներ կատարի «ԱՔՌԱ Քրեդիտ Ռեփորթինգ» ՓԲԸ-ին (այսուհետ՝ ԱՔՌԱ) և ստանա իմ ներկա ու անցյալ ֆինանսական պարտավորությունների, վարկային պատմության վերաբերյալ տեղեկություններ՝ ինձ հետ վարկային (վարկի, լիզինգի, փոխառության, այլ) կամ երաշխավորության պայմանագիր կնքելու վերաբերյալ որոշում կայացնելու նպատակով:
- ՎԿ-ի հետ վարկային (վարկի, լիզինգի, փոխառության, այլ) կամ երաշխավորության պայմանագիր կնքելու դեպքում տվյալ վարկային (վարկի, լիզինգի, փոխառության, այլ) կամ երաշխավորության պայմանագրի գործողության ողջ ընթացքում ցանկացած պահի առանց ինձ նախապես տեղյակ պահելու հարցումներ կատարի ԱՔՌԱ-ին և ստանա իմ ֆինանսական պարտավորությունների, վարկային պատմության վերաբերյալ տեղեկություններ, այդ թվում՝ ՎԿ կողմից մարքեթինգային և/կամ ինձ այլ ֆինանսական ծառայություններ առաջարկելու նպատակով:
- Ծանոթացել եմ վարկային պատմության և վարկային սքոր գնահատականի էությանն ու դրա կարևորությանը, կիրառվող սքորի տեսակներին, սքորի վրա ազդող հիմնական գործոններին և տեղեկացված եմ, որ ստորև ներկայացված աղյուսակի համաձայն կարող են ԱՔՌԱ-ից կատարվել հարցումներ, որոնք կարող են ազդեցություն ունենալ իմ վարկային ամփոփ գնահատականի/սքորի (օրինակ՝ Ֆայկո սքորի) վրա.
|
Վարկային հարցման նպատակ
|
Ազդեցությունը վարկային սքորի վրա
|
Հարցման պարբերականություն
|
Ժամկետ
|
|
Նոր վարկային դիմում*
|
Նվազեցնում է
|
Մեկանգամյա
|
Նոր ֆինանսավորման հայտի դիտարկման ընթացքում
|
|
Գործող վարկի մոնիթորինգ**
|
Չի ազդում
|
Պարբերաբար
|
Վարկային պայմանագրի գործողության ընթացքում
|
|
Այլ ֆինանսական ծառայություններ
|
Չի ազդում
|
Պարբերաբար
|
ՎԿ-ում գործող ծառայության պայմանագրերի գործողության ընթացքում
|
|
*Այս նպատակով հարցում կատարելու համաձայնությունը պարտադիր պայման է նոր ֆինանսավորման հայտի դիտարկման համար:
**Այս նպատակով հարցում կատարելու համաձայնությունը պարտադիր պայման է ֆինանսավորման տրամադրման և հետագա սպասարկման համար:
|
- Սույնով ծանուցվում եմ և տալիս եմ իմ համաձայնությունը, որ «Անձնական տվյալների պաշտպանության մասին» ՀՀ օրենքի համաձայն ՎԿ-ն ինձ հետ գործարար հարաբերությունների (գործարքների) ողջ ընթացքում ՀՀ օրենսդրությամբ և ՎԿ ստանձնած/ՎԿ նկատմամբ կիրառելի այլ կարգավորումներով սահմանված կարգով հարցումներ կատարի ՀՀ ներքին գործերի նախարարության (այսուհետ՝ ՆԳՆ) միգրացիայի և քաղաքացիության ծառայության անձնագրային և վիզաների վարչության բնակչության պետական ռեգիստրից, ՀՀ արդարադատության նախարարության (այսուհետ՝ ԱՆ) Հարկադիր կատարումն ապահովող ծառայությունից, Իրավաբանական անձանց պետական ռեգիստրից, ՀՀ ԿԱ Պետական եկամուտների կոմիտեից, ստանա իմ վերաբերյալ ստորև նշված տվյալները և դրանք ներառի ՎԿ համապատասխան տեղեկատվական բազաներում:
- ՀՀ ՆԳՆ միգրացիայի և քաղաքացիության ծառայության անձնագրային և վիզաների վարչության բնակչության պետական ռեգիստրից` անձը հաստատող փաստաթղթի, ՀԾՀ-ի կամ ՀԾՀ չունենալու մասին տեղեկանքի տվյալներ և դրանց պատմություն, քաղաքացիություն, լուսանկար, մահվան տվյալներ,
- ՀՀ ԱՆ Հարկադիր կատարումն ապահովող ծառայությունից՝ Հարցվողի վերաբերյալ առկա վարույթների մասին տեղեկություններ,
- ՀՀ ԱՆ Իրավաբանական անձանց պետական ռեգիստրից՝ իրավաբանական անձանց և անհատ ձեռնարկատերերի պետական գրանցման, վերակազմակերպման, լուծարման, կալանքի առկայության/բացակայության վերաբերյալ տվյալներ,
- ՀՀ ԿԱ Պետական եկամուտների կոմիտեից՝ աշխատանքի վայրի, աշխատավարձի և դրան հավասարեցված այլ եկամուտների, քաղաքացիաիրավական պայմանագրով ստացված աշխատանքի վարձատրության վերաբերյալ տվյալներ, հարկային մարմնի կողմից վերահսկվող այլ եկամուտների/պարտավորությունների վերաբերյալ տվյալներ:
- Վերը նշված տվյալները օգտագործվելու, ուսումնասիրվելու և վերլուծվելու են իմ ներգրավմամբ վարկի (վարկի, լիզինգի, փոխառության) ստացման կամ երաշխավորման գործընթացում հետևյալ նպատակներով՝ անձնական տվյալների վերաբերյալ ստույգ տվյալների ստացում, պատշաճ նույնականացում և տվյալների բազայի ուղղումների իրականացում, սպասարկման ժամանակատարության կրճատում, տեխնիկական սխալների բացառում, գրավադրվող գույքերի վերաբերյալ արժանահավատ տեղեկատվության ստացում;
- Վերը նշված տվյալները, ինչպես նաև իմ վերաբերյալ բանկային գաղտնիք հանդիսացող տեղեկությունները կարող են փոխանցվել երրորդ անձանց (ԱՔՌԱ-ին, ՀՀ Կենտրոնական բանկին, իրավասու պետական մարմիններին)՝ օրենքներով սահմանված դեպքերում, ինչպես նաև այն անձանց, որոնց հետ ՎԿ-ն ինձ մատուցվող ծառայությունների հետ կապված կնքել է համագործակցության/ծառայությունների մատուցման պայմանագրեր:
- Համաձայնությունը/անձնական տվյալները կարող են հետ կանչվել, իսկ տվյալների մշակումը՝ դադարեցվել, իմ գրավոր դիմումի հիման վրա, եթե տվյալ պահին չեմ օգտվում, ինչպես նաև ներգրավված չեմ ՎԿ կողմից մատուցվող որևէ ծառայությունում, և եթե այլ բան նախատեսված չէ օրենսդրությամբ և ՎԿ ստանձնած/ՎԿ նկատմամբ կիրառելի այլ կարգավորումներով:
- Գիտակցում եմ, որ տրամադրված տեղեկությունները և տվյալները, կախված դրանց բովանդակությունից կարող են ազդել ՎԿ-ի կողմից կայացվող համապատասխան որոշման վրա:
Սույն համաձայնությունը կարդացել եմ և հավաստում եմ, որ այն ինձ համար ամբողջությամբ հասկանալի և ընդունելի է:
